قصيدة الشاعر محمد ابن الذيب بعد انسحابه من شاعر المليون

اترككم مع مهندس الكلمه,, وفارس الشعر,, وذيب القصيد

الشاعر: محمد ابن راشد ابن الذيب العجمي

(شاعر ملايين القلوب)

ياايوب راح الليـل تشكـي علـي الحـال
وانا اشكي عليك الحال والحـال متدانـي
لو انك مـن البنقـال وابـوك فالبنقـال
انا وانـت فابوظبـي والرابـط انسانـي
ماكن لي من الاحباب غير انت والجـوال
وهـو يحتمينـي كـل يامـي وقحطانـي
واقّدّر من شيوخ الفراريـج روس جبـال
وانا الطيّب فمدحـه الاحاسيـس تعدانـي
واغرّب مع شيوخ العوامر هـل الافعـال
واشرّق مع شيـوخ المناصيـر متفانـي
ولو اصيح فال مرّه تجي والسنين هـزال
واعنّز على العجمـان وامـوت متغانـي
لكنـي معـا كـل القبايـل مجمّـل فـال
من مطير لي شمرالـى ساحـل عمانـي
ياويلي على المساء وياويلي على المقيال
لكن الظهـر مهمـوم والليـل سهرانـي
قبل ماابتدي شكر(ن) على حسن الاستقبال
وقبل ماانتهي ودي اسولـف وب العانـي
يقولون مشيّها وتمشي علـى ايـة حـال
علـى جثتـي والا علـى قبـر جدانـي
مايمشي علـى امـر المقـرّد ولا يحتـال
قوانينها تقطـع صـدى صـدح الاذانـي
لوان مطمعي فالقـرش ياصبـة الفنجـال
حضوري لبو خالـد عـن المـال كفانـي
لكن سمعة الطيّب بـروق فعـرض خيـال
مطرها الـى حـوّل سقـا كـل ظميانـي
والابداع حاله والشعر فكـر واسترسـال
مع خلف متعه تغـري انصـات الاذانـي
ياكم ورع من ورعان شبه الجزيره قـال
بأنـه مثـل عـوج السنيـن يتحـدانـي
وانـا كنـت فالشعـار والشعـر ولا ازال
مثل وضع حزب الله فـي شعـب لبنانـي
انا وين ماوجهـت يقـوا بـي الارسـال
ولا اعاني من الوزن واوّزن مـن يعانـي
ويقول الملك الله يحفظـه مافيـه اشكـال
الـى ضيّـع الاول والـى ضيّـع الثانـي
ابا وصل المرسول لـه طبعـة المرسـال
لكن خدمـة التوصيـل ماهيـب مجانـي
انا الثوره اللي بعدهـا صـار الاستقـلال
واناالانقلاب اللـي ضحايـاه الاشجانـي
الى فزت فاز الشعـر والهاجـس الهمّـال
لكن لاخسرت اخسر وانـا مانيـب ادنـي
ولااغير اسلوبـي ولا اسطنـع الاقـوال
انا صنـع ربـي مانـي بصنـع يابانـي
وصلنا لبو ظبـي الثقيلـه وحنـا ثقـال
مثل ما وصل بلقيـس هدهـد سليمانـي
ترى جدة المليـون ليـره وابـوه ريـال
لكن الاختـلاف الكلـي اشكـال والوانـي
وترى قلة الادراك رجـل بـدون عيـال
ولاله من الاخـوان مـن يشبـه خوانـي
يااصحابي اللـي كـل ليلـه لكـم مـوال
انـا اللـي انااللـي والزمـان يتحدانـي
وياكم واحد بينـي وبينـه مـن الاميـال
والا غبت عـن عينـه دقيقـه تناسانـي
وياكم واح صاير له من الشموس ضـلال
مايحجبه عن عيني وهو وسـط شريانـي
صداقات راس المـال لازاد راس المـال
تزيد وتناقص لانقـص حسـب ماجانـي
والى الحين عدواني تكثر علـى الامثـال
وانظف لهـا قلبـي ولا اوسّـخ لسانـي
افج النحور ابعّـد النظـره وسعـة بـال
على شانهم جهّـال وانـا علـى شانـي
اخاصم وانا رجال وارضـى وانـا رجـال
وهذا اللي يميزنـي علـى كـل عدوانـي
امارس معا نفسي غروري بدون اهمـال
بـأن التواضـع شـي غالـي وربانـي
عشقت الشموخ الا شموخ العقل والشـال
وكرهـت النـظـام الا النـظـام (000)
اذا صار مانـي عضـو فالمجتمـع فعـال
ابشعل فتيل الحـرب فـي كـل ميدانـي
اغنـي مـع البـدو ويحاربنـي الجمّـال
ويداعب احاسيس الحضر حزن وجدانـي
لو ان تجربة عمري مثل تجربة الاطفـال
ماخليت مـن تغريبتـي اجمـل احزانـي
وانا بين حلـم انـي اخلـد وانـا رحـال
واخلي مـن طـوال المسافـات اوطانـي
او ابيـع عمـري واتحـرر مـن الاذلال
ايلا قبر فيـه ذنـوب عمـري تحرّانـي
عرفت اني افكـر خطـا والحيـاه جمـال
شوفـو منطـق التفكيـر لويـن ودانـي
لو ان البقـاء للافضليـه ماكـان اطـال
لنا الله عمر ابليـس وابليـس شيطانـي
ولو ان الموت فالتاريخ محكـور للابطـال
تمنيـتـه يجيـنـي قـبـل مايتمنـانـي
وانا خايف اعيـش وامـوت دون آمـال
ماني خايـف اعيـش وامـوت وحدانـي
اعاني من الاجحاف واشكو من الاهمـال
مريض(ن) من الواقع مرض شبه نفساني
لكن ياوجودي والتوجد علـى ايـة حـال
برستيج نستخدمه فـي بعـض الاحيانـي
مثل وضع شعار العروبه علـى الاطـلال
على كثر مااضحكني على كثر00ماابكاني
وسلامتكم
بصراحه الشاعر محمد ابن الذيب افضل شاعر
عندي بالنسبه الي انا اما بالنسبه لكم عاد انتم وذوقكم

Admin عدد الرسائل : 232 تاريخ التسجيل : 20/03/2008

مشكوووورر

مشكووووووووووووور